Bienvenue sur boolumbal.org

Sikke alaa e won'de :'Batu paavi hazataa nyiibi yahde'!
Golle laamuyel cemte e penaali kulngel reedu joozingel e dow jappeere fenaande gila hitaande jeytaare puunte 1960 to Nuwaasoot coofze e hollude ndoolon mum vizve Moritaninaave lasli,ve ngonaa arve,ngonaa yizve hevtude e jiimde alaa mbo mbettata hay gooto.Kono pulaar wiyi:"So gertogal yizii weejde huccintu gaza mum ko e hoyre hennde"So maayde ina jeemoo hiizoove ko nii tigi mbayata.Ko zuum hevnoo Amerk e yonto Martin Luter King,hevnoo Angalteer to Enndu e yonto Mahatma Ganndi.Ko zuum hevtinoo afrik bannge worgo e yonto Manndella.Ko zuum tigi jeemotoo Moritani e yonto Murtuzo Joob,Saydu Kan e Biram Dahi.
So naange ndimaagu fuzii alaa kiddoowo.So henndu mum wutii alaa palotoozo.Nyawu ngu accataa noon warat! Renndo valeeve Moritani tampii hiizeede,haa joofti e yonto facebook,twitter e skype.Jalniima hanti laamoraade cemte,wazde valeeve maccuve.
Nezzo noon waawaa rimzude zo anndaa hoyre mum.Nezzo rimzataa zo rimzinaani hakkille mum,ngati waylaare woni ko hakkille dimo.Valeeve Amerik e Orop ndizaani so wonaa nde nganndunoo holi kanyum en?Holto iwi e holto payi?
Fotii ko Hardeneeve mbiyi:"KO MIN VALEEVE AFRIKNAAVE,FULVE,SOONINKOOVE,JOLFUVE,WAMBARANKOOVE E WOZVE,FOOLANOOVE,MBAZAA MUCCUVE,HANNDE MIN NGANNDII IWDE AMIN,MIN NGARTII e LASLI AMIN:GILA E ZEMNGAL,PINAL HAA e DAWRUGOL".Haawataa aduna oo fof Hardaani wiyde ko mi valeejo afriknaajo majjinaazo pinal mum mbela ina seerta e iwde mum.Haawnii,jalnii yurminii woynii kay Ko Valeejo afrik biyoowo:"KO MI CAPAATO(AARABI)"!!! Walla ko aarabeeve e afriknaave fof poti e men.
Enen poti faamde yizde banndi mum annda hoyre mum ina hollude zum aza hutii zum so woppaani no wayi nii.Ko zuum wazi,Musuudu Bulkhayri e won'diive mum ELhor,Bubukar Masuud e won'diive mum SOS e Biram Dahi e Won'diive mum IRA ena kutii kala hardaani javzo kalfaandi rewi e halifaave mum ina booma banndi mum en.Kono wonaa anyde veen ko hutaade golle mumen e darnde mumen.Nde tawnoo nezzo so faamaani ina hulvinii.Ina vurana zum warde banndi mum oo ngam kisal kaliifa mum,nde tawnoo anndaa.
Ndimaagu Moritani fof woni ko e hakkillaaji Mritaninaave.
Safalve wozeeve yoo nganndu huunde fof wonzo haazi nduuztoo gila bonaani.Valeeve yoo nganndu ko ko ari pellita gila leelaani.So zee pellite zizi kawrii yaafuya waza bonannde ubbee,hello kawral,beldital e guurdigal hippitee.Moritani soddita laawol mum ko yaawi,sooynee,yiyee,yizee,yeevee!So zuum alaa ko firtaare bonnnde,kono heddoytoo tan,caggal ndoondi,ko VALEEVE MORITANI.
Ngannden Moritani firti ko leydi valeeri.Romenaave itti zum ko e Egyptinaave Kemet-en-kemet(Leydi valeeri e yimve leydi valeeri).
Yoo Valeeve e safalve kala nganndu caggal kiizal ko hare jeytaare,caggal hare jeytaare ko jeytaare,caggal jeytaare ko vamtaare.Moritaninaave naatii e hare jeytaare gila e 1979.
Warde valeeve,taccin'de zumen,etaade ustude zum en to batte kaayitaaji e jibnirgol e cellal,Heyzin'de zumen,hoynude zumen,fextude zumen,sarde zumen e hawjin'de zumen fof wontii pette hirsaange!Veydata tan ko pinal mumen e anndude holi kanyum en?
Wazde yoo jom giyte goonga yiy goonga gila fenaande fertaaki zum!!!!
Moritani ina waawi won'de leydi yimve fof so en njavii so en njavii seertude e pine Jaahiliive naaten e yonto yirde 21vre.
Abuu Bakri Njom