Bienvenue sur boolumbal.org

Sikke alaa en paamii mawve ina ngoodi,etee ko finve,faamve,fellitve.Nde tawnoo ko kamve kawrunoo e pewjugol bonnde,ve paami,ve pewji,ve pelliti firtude e hakkillantaagal.Mawni am gizo am Saydu Kan haalaniino kam kaa haala,tawi mawni am gizo am Mammadu Saydu Bah tawaaka.Kono nde tawnoo ko goonga haaletee,ko haalaa heen fof hawrat.Mawzo Mammadu Siidi Bah e yankinaare woni ko yizaa haalde heen kono hay innde FLAM adii yaltude ko e hunuko makko,so haalve njuumaani.
Heddii ko taatanze mbazii addanii ndee felde moolanaande lohde nde fotnoo mawnude.Kala nde hoyre heedtinaa caggal noon walla taxaa,so wonaa planaria,valnde sokkoo e boomaare.
Ko nehdi woni njuvvudi nawoori kala dental.Hare kadi ko peewnitorze.Heedi heeda nawataa hay felde.Kadi wonaa keewal ko peewal e fivnde ngam yottaade e fayndaare dental.
Hare valeeve moritani ko fuzzii tan,so yuvvii juutataa sabu poolgu heedi ko bannge mavve.So yuvvaani maa ve tamoy vuri ko ve tampunoo tawi ko taatanze yizve koongu tawi nganndaa goonga mbazi zum.Winndannde adannde ko goongzin'de fayndaare,wonaa goongzin'de felde walla nezzo.Anndude hare ngee ko hare pinal,ko hare goodal nge ruuztantaaki caggal.
Mo suwaa hevde ko ndaarata suusnete soko yettetaake sikka yottiima.
Felde fotnde no FLAM ko fotnde teskeede e hormeede kono ko fotnde teskaade e hormaade.
Wonaa duko,ko golle.Alaa e sago fartagneeji kuwtoree nde foti.Yeru yarlitaade walloyde worgo sudan,jannginoo,safroove e walloove.Ko noon to koddiwaar to Libi e nokkuuji gozzi to boomaare wazi walla to hare wazi tawi masalhaa dental ina danyee toon.Hare ngee wonaa waylude laamzo gasnata zum,wonaa lelnude kavirze sukka kunduze gasanata zum,so ko ko pellital duumingal,gon'dungal e jiyanze ceevze gozzuze baawze janngin'de e hollude oo mo goongzinaani so wonaa momtude ma e won'de waawaa tee jogoraani waawde etee so accaani ko kanyum momtotoo.En njettii mawve vee,en nduwaniima sukaave vee.Laawol ngol ina juuti ina nyaazi,kono ko pellital livata maamaari.
POOMAA(POOLGU WALLA MAAYDE)
Abuu NJom