Bienvenue sur boolumbal.org

Haɗi UFP tawtoreede eeraango AJD/MR ko gooto e maɓɓe fof ko parti taƴɗo hattan hore mum. Yanti heen, AJD/MR hay ko natti wondude e laamu koo, alaa mo ñiŋata, alaa m ñaayata so wonaa luulndo, haa arti noon e UFP. Seede mum, ko Ibraahiima e hoore mum wiyii e rajo, aduna fof ina heɗii, wonde waawaa gollodaade e UFP sibu jogodaade e mum luure keewɗe.
Ko wonaa ɗum koo, partiiji ngollortaako noon. So oɗon maandii finnde, nde Siidi e Ahmed njahdi daawal ɗiɗmal woote, walla nde AJD/MR yiɗi tawtoyde laamu, ɓe mbiyi ko maa ɓe kaaldee, ɓe ciifondiree, nde ɓe njortoo. Sinno jooni, ko kaaldigal hakkunde partiiji ɗii wonnoo, ɓe ɓamdi feere ndee, ma ɓe njahdatno, ɓe ceppida. Haa teeŋti noon, AJD/MR wondunoo ko e Asiis, mo ngañgu mum e ɓaleeɓe seedtini, alaa e sago haaldee, hade gollodeede. Ko nii UFP yiyri geɗe ɗee. Tee ɓennaani, yimɓe ina mbaawi yiytondirde, kaalda. E oon sahaa, maa hay haala nanondiral cuuɗingal Asiis waɗdi e huunde e loranooɓe ɓee, haale. Nanondiral ciifanoongal sahaa nde Ibraahiima Saar woƴanoo yahdude e Seneraal oo e woote 6/6.
Ko kaal-mi ɗoo koo ko jiɗde faamninde yimɓe nuunɗuɓe e naamnde mum en, wonaa Joop Yuusuf Aamadu kuɗoowo ɗoo oo, kaaldat-mi. Miɗo wiya mo, so omo jogii kuɗdi, yo o tiindin e Maawiyya walla Asiis. Ko hono ɗiiɗoo ngañguuji kadi on yahrude yeeso. Kuɗdi makko yo deppito e hoore makko yaa barke Alla, oo gaño Alla, potɗo halkaade jooni jooni. Aamiin.