Coon Sek jibinaa ko ñande 12 mbooy 1955 to Dakaar laamorgo leydi Senegaal. O sankii ko hannde 14 mbooy 2021 to Dakaar ɓaawo lelnde raɓɓiɗnde rafi cellal. Ko o naalaŋke baɗatnooɗo Mbalakh. Ko kanko kadi woni baaba mum Waali Sek suka naalaŋke lolluɗo.
O ari e aduna ko e 1955 to Dakaar,Coon Sek ummii ko e galle awluɓe Jolfuɓe. Gooto e taaniraaɓe makko jeyanoo ko e yimatnooɓe jaambaaro senegaalnaajo lolluɗo e nder doŋre Afrik hono Lat Joor. Kanko Lat Joor, kaanaŋke Kayoor innde makko timmunde ko Lat Joor Ngoone Latir Joop, jattinannooɗo kalfaandi Farayse. Garɗo e aduna e hitaande 1842 to Koor Aamadu Yalla, cankiiɗo ñande 27 yarkomaa 1886 e nder wolde.
Coon, ko e gila e cukaagu mum o fuɗɗii jeytoreede kewuuji ganni, naalaŋkaagal fuɗɗii fooɗde mo, maale naalaŋkaagu ceedaa e makko, o woni jimoowo teskaaɗo e piyoowo mbaggu. Caggal ɗum, o wonti tergal diɗɗal dakaarnaaɓe " 'Star Band', tawa omo jokki wonde piyoowo mbaggu o soɗii e diɗɗal mawngal ine wiyee 'Orchestra Baobab'.
Coon, gollidiima e ngaal diɗɗal. E 1984, kanko naalaŋke lolluɗo oo, o yaltini lefol ngol o waɗdi e denɗiiko tiitoriingol "Raam Daan" woni lada-liɓa jeytangol e albom maɓɓe gadano. Korse 1987, Coon waɗi njillu mum ngadanngu nder doŋre Orop kam e AKAN Productions (Félix Anagonou) o waɗi lefol biyateengol "Le pouvoir d'un coeur pur". Njillu makko ɗimmu e hitaande 1988, Coon Sek e gollodiiɗo mum Félix Anagonou njaltini lefol "Dieulleul"...
E lewru duujal 2015, omo yahra duuɓi 60, o tuumaa huutoraade koppeteeje ɗe ndewaani laawol, sanndarma leydi Senegaal jaggi mo ñande 27 duujal saanga kihiiɗe to galle makko Dakaar, o waɗaa e les ñaawoore. E nder ngoon losko waɗenoongo koppeteeje oroo e dolaar keewɗe tawa ko foo biyee "faux billets" tawaa e galle makko.
Ñande 2 korse2015, laamu fawi e makko junngo o nawaa to dummbirdu hakkundeewu Rebeuss nder ɓernde sahre Dakaar laamorgo leydi ndii. Ñande 12 colte 2016, o ɗaccitaa tawa ko e sifaa sabbordu ngam o hoota galle makko. E lewru mbooy mars 2016, ɓiyiiko Seydinaa Aliw Sek kañum ne tuumaa ɗeen geɗe ɗe baaba makko jaggirenoo. Coon Sek sankii ko hannde 14 mbooy 2021 caggal rafi cellal.
Yo Geno yurmo mo yaafoo mo
Source: https://golalmedia.org
O ari e aduna ko e 1955 to Dakaar,Coon Sek ummii ko e galle awluɓe Jolfuɓe. Gooto e taaniraaɓe makko jeyanoo ko e yimatnooɓe jaambaaro senegaalnaajo lolluɗo e nder doŋre Afrik hono Lat Joor. Kanko Lat Joor, kaanaŋke Kayoor innde makko timmunde ko Lat Joor Ngoone Latir Joop, jattinannooɗo kalfaandi Farayse. Garɗo e aduna e hitaande 1842 to Koor Aamadu Yalla, cankiiɗo ñande 27 yarkomaa 1886 e nder wolde.
Coon, ko e gila e cukaagu mum o fuɗɗii jeytoreede kewuuji ganni, naalaŋkaagal fuɗɗii fooɗde mo, maale naalaŋkaagu ceedaa e makko, o woni jimoowo teskaaɗo e piyoowo mbaggu. Caggal ɗum, o wonti tergal diɗɗal dakaarnaaɓe " 'Star Band', tawa omo jokki wonde piyoowo mbaggu o soɗii e diɗɗal mawngal ine wiyee 'Orchestra Baobab'.
Coon, gollidiima e ngaal diɗɗal. E 1984, kanko naalaŋke lolluɗo oo, o yaltini lefol ngol o waɗdi e denɗiiko tiitoriingol "Raam Daan" woni lada-liɓa jeytangol e albom maɓɓe gadano. Korse 1987, Coon waɗi njillu mum ngadanngu nder doŋre Orop kam e AKAN Productions (Félix Anagonou) o waɗi lefol biyateengol "Le pouvoir d'un coeur pur". Njillu makko ɗimmu e hitaande 1988, Coon Sek e gollodiiɗo mum Félix Anagonou njaltini lefol "Dieulleul"...
E lewru duujal 2015, omo yahra duuɓi 60, o tuumaa huutoraade koppeteeje ɗe ndewaani laawol, sanndarma leydi Senegaal jaggi mo ñande 27 duujal saanga kihiiɗe to galle makko Dakaar, o waɗaa e les ñaawoore. E nder ngoon losko waɗenoongo koppeteeje oroo e dolaar keewɗe tawa ko foo biyee "faux billets" tawaa e galle makko.
Ñande 2 korse2015, laamu fawi e makko junngo o nawaa to dummbirdu hakkundeewu Rebeuss nder ɓernde sahre Dakaar laamorgo leydi ndii. Ñande 12 colte 2016, o ɗaccitaa tawa ko e sifaa sabbordu ngam o hoota galle makko. E lewru mbooy mars 2016, ɓiyiiko Seydinaa Aliw Sek kañum ne tuumaa ɗeen geɗe ɗe baaba makko jaggirenoo. Coon Sek sankii ko hannde 14 mbooy 2021 caggal rafi cellal.
Yo Geno yurmo mo yaafoo mo
Source: https://golalmedia.org
Actualités
